कपिलवस्तुमा यात्रुबाहक बस दुर्घटना:३६ जना घाइते, २ गम्भीर

कपिलवस्तु।धनगढीबाट काठमाडौँतर्फ आउँदै गरेको यात्रुबाहक बस शनिबार बिहान कपिलवस्तुमा दुर्घटनामा परेको छ।ना ८ ख ५७०३ नम्बरको बस कपिलवस्तु नगरपालिका–६ वनकसवासामा पल्टिँदा ३६ जना यात्रु घाइते भएका हुन्।

वडा प्रहरी कार्यालय चन्द्रौटाका अनुसार बिहान करिब ५:३० बजे बस सडक छेउमा अनियन्त्रित भएर पल्टिएको हो। दुर्घटनामा परेका घाइतेमध्ये २ जनाको अवस्था गम्भीर रहेको बताइएको छ।

घाइतेमध्ये १५ जनालाई थप उपचारका लागि बुटवलस्थित प्रादेशिक अस्पतालमा रिफर गरिएको छ भने अन्य २० जनाको उपचार चन्द्रौटा–स्थित सञ्जीवनी सामुदायिक अस्पतालमा भइरहेको प्रहरीले जानकारी दिएको छ।

घाइतेहरूको उद्धार कार्यमा स्थानीयबासी, प्रहरी र उद्धार टोलीले तत्काल सहयोग गरेका थिए। बसमा काठमाडौँतर्फ गइरहेका यात्रु सवार रहेको र अधिकांश घाइतेको अवस्था सामान्य रहेको बताइएको छ।

प्रहरीले दुर्घटनाको कारणबारे अनुसन्धान सुरु गरेको छ। प्रारम्भिक अनुमानअनुसार चालकको लापरबाही वा अत्यधिक गतिका कारण दुर्घटना भएको हुनसक्ने आशंका गरिएको छ।