चक्कु प्रहार द्वारा आफ्नै बुवाको हत्या गरेर छोरा फरार

काठमाडौँ-आइतबार बेलुका रूकुमपश्चिममा चक्कु प्रहार गरेर एक युवकले आफ्नै बुवाको हत्या गरेका छन्। बुवालाई चक्कु हानेपछि छोरा फरार भएका प्रहरीले जनाएको छ।
गएराति करिब ९ बजेको समयमा आठबिसकोट नगरपालिका १० मा उक्त घटना भएको जिल्ला प्रहरी कार्यालय रूकुमपश्चिमका डीएसपी नवराज पोखरेलले जानकारी दिए

• घटनाबारे अनुसन्धान भैरहेको प्रहरीले जनाएको छ।

‘छोराले आफ्नै बुवालाई हत्या गरेर फरार भएको भन्ने खबर आएको छ। प्रहरी घटनास्थल पुग्दैछ। मैले जिल्लाको सबै नाकाहरूमा खबर गरिसकेको छु। हत्याराको खोजतलासी भइरहेको छ,’ उनले भने।

स्थानीयका अनुसार अन्दाजी ५० वर्षका दर्बे केसीलाई उनका छोरा अन्दाजी १८र२० वर्षका छोरा वीरबहादुर खत्रीले पेटमा चक्कु हानेर हत्या गरेका हुन्।