‘सिङ्गर’ घोषणा,विजेताले नगद पुरस्कार २५ लाख र कार जित्ने अवसर
काठमाडौँ। केहि बर्ष देखि नेपालमा रियालिटी शोहरुहरुको संख्या बढ्दै गएको छ। गायन रियालिटी शो,डान्सिङ्ग रियालिटी शो,कमेडी रियालिटी शोहरु चलिरहेका छन्। यस्तै लहरमा अर्को एउटा फरक रियालिटी शो सुरु हुने भएको छ। ‘सिङ्गर’ सोल फुल भ्वाइस नामक रियालिटी शोले अहिले चलि रहेको ट्रेन्ड भन्दा केहि फरक गर्ने आयोजकको दावी छ। फ्रेन्च आइज रियालिटी शो हरुको दबदबा चलि रहेको बेला आफ्नै मौलिक शोको शुभारम्भ गर्न लागेको डिएआर मुभिज एन्ड फिल्म इन्डस्ट्रीज प्रालीका संचालक श्याम धितालले जानकारी दिए। भाषाको दायरा तोडेर एक परिचीत गायक गायिकालाई नेपालमा चली आएका प्रमुख छ भाषा सहितको गायन प्रतियोगिता हो ‘सिङ्गर’। विजेताले नगद पुरस्कार २५ लाख सहित कार र गीति एल्बमसम्म पाउनेछन् ।
नेपाली गीत संगीतमा आफ्नो परिचय स्थापित गरि सकेका र गायनमा आफ्नो स्थान बनाएका गायक गायीकाहरुले शोमा भाग लिन सक्नेछन।
‘नेपाल नेटवर्क टेलिभिजन’ को शुभारम्भ संगै प्रशारण सुरु गरिने रियालिटी शो ‘सिङ्गर’ सोल फुल भ्वाइस एउटा फरक शो हुने धितालले जानकारी दिए । ‘नेपाल नेटवर्क टेलिभिजन’ आगामी नयाँ बर्षको अवसर पारेर बैशाखबाट प्रशारण सुरु गरिने बताईएको छ । फ्रेन्च आइज रियालिटी शो हरुले बजारमा स्थान बनाई रहेको बेलामा नेपाल नेटवर्क टेलिभिजनले आफ्नै मौलिक शोहरु ल्याउने योजना बनाएको छ ।
