काठमाडौं ।एक हप्तादेखि बेपत्ता भएका किशोरकिशोरी आइतबार मृत अवस्थामा फेला परेका छन् ।
पुसको १३ गतेदेखि हराइरहेका ती किशोरकिशोरी घर नजिकैको तुसोरे जङ्गलमा मृत अवस्थामा भेटिएका जिल्ला प्रहरी कार्यालय दैलेखले जनाएको छ ।
कालिका माध्यमिक विद्यालयमा कक्षा १० मा अध्ययनरत मनसिंह विक र कक्षा ९ मा अध्ययनरत शर्मिला थापा एक हप्ता अघि बेपत्ता भएका थिए ।
विद्यालयका प्रधानाध्यापक कर्णबहादुर थापाले एक हप्तादेखि विद्यालयमा उपस्थित नहुँदा परिवारलाई खबर गरिएको थियो । तर परिवारका सदस्यले उनीहरु घरमा नभएको बताएका थिए । त्यसपछि दुबै जनाको खोजी भएको थियो।
प्रधानाध्यापक थापाले भने, ‘खोजी गर्दा तिनीहरू जङ्गलमा एउटै डोरीमा झुन्डिएको अवस्थामा मृत फेला परे । प्रेम सम्बन्धमा रहेको हुनसक्ने आशङ्का गरिएको छ।’
शर्मिला थापाका आफन्तसमेत रहेका प्रधानाध्यापक थापाले शवको पोस्टमार्टम गर्न केटापक्षले नमानेको उनले बताए ।
