EN
मेनु
Flash News

चलचित्र विकास बोर्डका विभिन्न समितिमा आबद्ध हुन विज्ञ तथा चलचित्रकर्मीलाई आह्वान

काठमाडौं।चलचित्र विकास बोर्डले विभिन्न विषयगत समितिमा विज्ञ तथा इच्छुक चलचित्रकर्मीलाई सदस्यका रूपमा आबद्ध गराउन आवेदन आह्वान गरेको छ।

बोर्डबाट गठन हुने विभिन्न समितिको काम, कारबाहीलाई थप प्रभावकारी, व्यवस्थित र विशेषज्ञतामा आधारित बनाउने उद्देश्यले बोर्डले आवेदन खुला गरेको हो।

बोर्डले चलचित्र क्षेत्र तथा यससँग सम्बन्धित विभिन्न विधामा ज्ञान, सीप, अनुभव र रुचि भएका व्यक्तिहरूलाई समितिमा आबद्ध गराउने जनाएको छ।

सूचनाअनुसार चलचित्र निर्माता, निर्देशक, चलचित्र अनुसन्धानकर्ता, अनुसन्धानमा रुचि भएका व्यक्ति, विषयगत विज्ञ, कार्यक्रम व्यवस्थापक तथा कार्यक्रम र परियोजना सञ्चालनसम्बन्धी मोडालिटी विज्ञलगायत चलचित्र क्षेत्रसँग सम्बन्धित विभिन्न विधामा दक्षता र अनुभव भएका व्यक्तिहरूले आवेदन दिन सक्नेछन्।

इच्छुक व्यक्तिहरूले आफ्नो विषयगत विज्ञता खुल्ने गरी व्यक्तिगत विवरण (CV) सूचना प्रकाशित भएको मितिले १५ दिनभित्र बोर्डको इमेल fdbnepal@gmail.com मा पठाउनुपर्नेछ।

थप जानकारीका लागि बोर्डको WhatsApp नम्बर ९८०३४१२९५६ मा सम्पर्क गर्न सकिने बोर्डले जनाएको छ।

बोर्डले विज्ञता र अनुभवका आधारमा विभिन्न समितिमा चलचित्र क्षेत्रका दक्ष जनशक्तिको सहभागिता बढाउने अपेक्षा गरेको छ।

सूचना प्रकाशित मिति : २०८३/०७/२०