कुलेखानी ड्याममा पानी भरिएपछी बाँधका दुवै ढोका खोलियो

 काठमाण्डौ । कुलेखानी जलविद्युत् आयोजनाको जलाशयमा पानी भरिएपछि बाँधका ढोका खोलिएका छन् ।

ड्याममा पानी भरिएपछी दुवै ढोका खोलिएको उनले बताए । हाल प्रतिमिनेट ३०० क्युसेक पानी खोलिएको र आवश्यकताअनुसार थप खोलिँदै जाने प्रमुख भट्टको भनाइ छ । इन्द्रसरोबर जलाशय भरिएपछी ३१ वर्षपछि ड्यामको ढोका खोलिएको हो ।

अविरल वर्षाका कारण कुलेखानी ड्याम भरिएको र गएरातिदेखि साइरनसहित ओभरफ्लो भइरहेको हो । आज बिहान ढोका खोलिएको कुलेखानी जलविद्युत् आयोजना प्रथमका प्रमुख तारादत्त भट्टले जानकारी दिए ।

जलाशय भरिएपछी पछिल्लो पटक गत २०५० साल मा ढोका खोलिएको थियो । कुलेखानी बाँधदेखि तल मकवानपुरको सिस्नेरी, ठिंगन बेँसी, फापरबारी, राईगाउँ हुँदै सिन्धुली, रौतहट र सर्लाहीका बागमती नदी किनाराका बस्तीमा बाढी आउन सक्ने भन्दै उच्च सतर्कता अपनाउन आग्रह गरिएको छ ।

प्रतिकार्यमा खटिने सुरक्षाकर्मी एवं स्वयंसेवकलाई ‘हाइ अलर्ट’मा बस्न जिल्ला प्रशासन कार्यालय मकवानपुरले आग्रह गरेको छ । जलाशयमा पानी भरिएपछि कुलेखानीलाई पूर्ण क्षमतामा चलाइएको छ ।

कुलेखानीको क्षमता १५३० मिटर छ । कुलेखानी जलविद्युत आयोजनाले शुक्रबार नै सूचना जारी गरेर कुलेखानीको ड्याम खुल्न सक्ने भन्दै बागमती नदि किनारका वासिन्दालाई उच्च सतर्कता अपनाउन भनेको थियो ।

कुलेखानी ड्याममा भएको पानीबाट १०६ मेघावाटको विधुत उत्पादन हुने गरेको छ । नेपालको सबैभन्दा ठूलो मानव निर्मित तालको रुपमा समेत रहेको यो जलाशय करिव ७ किलोमिटर लम्बाई रहेको छ ।