महिला फुटबलमा हलचल: प्रशिक्षक प्याट्रिक डे वाइल्डले दिए राजीनामा

काठमाडौं-नेपाल महिला राष्ट्रिय फुटबल टोलीका प्रमुख प्रशिक्षक प्याट्रिक डे वाइल्डले राजीनामा दिएका छन्। केही दिनअघि महिला फुटबलमा रहेको गम्भीर संरचनागत समस्याबारे खुलेर बोल्दै आएका प्रशिक्षक वाइल्डले आज औपचारिक रूपमा पदबाट राजीनामा दिएको घोषणा गरेका हुन्।

उनको राजीनामा पछि नेपाली महिला फुटबल टोली नेतृत्वविहीन बनेको छ भने आगामी खेलहरूबारे अन्योल उत्पन्न भएको छ। प्रशिक्षक वाइल्डले आफ्नो कार्यकालमा नेपाली टोलीलाई नयाँ सोच, अनुशासन र प्रशिक्षण प्रणालीमार्फत अगाडि बढाउने प्रयास गरेका थिए।

उनले केही दिनअघि नै संघीय नेतृत्व, समन्वयको अभाव, प्रशिक्षण सुविधाको कमी, र खेलाडीहरूको मनोबलबारे गम्भीर चिन्ता व्यक्त गरेका थिए।

अब अखिल नेपाल फुटबल संघ (एन्फा)ले नयाँ प्रशिक्षक नियुक्तिका लागि छिट्टै प्रक्रिया अघि बढाउने अनुमान गरिएको छ।