पुष्पकमल दाहाल ‘प्रचण्डको घोषणा: ‘जुनसुकै छानबिनका लागि तयार छु’

काठमाडौं।पूर्वप्रधानमन्त्री पुष्पकमल दाहाल ‘प्रचण्ड’ले आफूमाथि लाग्ने जुनसुकै आरोप वा प्रश्नबारे छानबिन गर्न सरकार वा सम्बन्धित निकायलाई पूर्ण सहयोग गर्ने बताएका छन्। उनले विगतमा आफूले गरेका सबै निर्णयहरू पारदर्शी र जनहितमा आधारित रहेको दाबी गर्दै कुनै पनि अनुसन्धानबाट भाग्ने अवस्था नरहेको स्पष्ट पारे।

एक सार्वजनिक कार्यक्रममा बोल्दै प्रचण्डले भने, “मैले गरेका कामहरू देश र जनताको हितका लागि थिए। यदि कसैले प्रश्न उठाउँछ भने त्यसको सामना गर्न म तयार छु। सत्य बाहिर आउनुपर्छ।

उनले पछिल्लो समय विभिन्न विषयमा भइरहेको राजनीतिक आरोप–प्रत्यारोपप्रति संकेत गर्दै तथ्यका आधारमा मात्रै मूल्याङ्कन गर्न आग्रह गरे। “राजनीतिमा आरोप लगाउनु सजिलो हुन्छ, तर प्रमाणका आधारमा सत्य स्थापित हुनुपर्छ,” उनले भने।

प्रचण्डको यो अभिव्यक्तिलाई वर्तमान राजनीतिक परिवेशमा महत्वपूर्ण रूपमा हेरिएको छ, जहाँ विगतका निर्णयहरू र नेतृत्वको भूमिकामाथि बहस तीव्र बन्दै गएको छ।

राजनीतिक विश्लेषकहरूका अनुसार, यस्तो खुला चुनौतीले पारदर्शिता र जवाफदेहिताको सन्देश दिन खोजेको देखिन्छ। साथै, यसले आगामी दिनमा हुने सम्भावित छानबिन प्रक्रियालाई पनि थप चर्चामा ल्याउने अनुमान गरिएको छ।