इस्लामावादमा अमेरिका–इरान शान्तिवार्ता सुरु,उपराष्ट्रपति भान्स पाकिस्तान पुगे

काठमाडौं।पश्चिम एसियामा बढ्दो तनाव कम गर्ने उद्देश्यले अमेरिका र इरानबीच बहुप्रतीक्षित शान्तिवार्ता पाकिस्तानको राजधानी Islamabad मा सुरु भएको छ। वार्ताका लागि अमेरिकी उपराष्ट्रपति JD Vance नेतृत्वको प्रतिनिधिमण्डल इस्लामावाद पुगेको हो।

‘एयर फोर्स टु’ विमानमार्फत पुगेका भान्सलाई पाकिस्तानका उपप्रधान तथा विदेशमन्त्री Ishaq Dar र सेना प्रमुख Asim Munir ले स्वागत गरेका थिए। अमेरिकी टोलीमा Steve Witkoff र Jared Kushner समेत सहभागी छन्।

इरानका तर्फबाट वार्ताको नेतृत्व गर्दै संसद्का अध्यक्ष Mohammad Bagher Ghalibaf पनि इस्लामावाद पुगिसकेका छन्। पाकिस्तानको मध्यस्थतामा हुन लागेको यो वार्तालाई क्षेत्रीय स्थिरता कायम गर्न महत्वपूर्ण कूटनीतिक प्रयासका रूपमा हेरिएको छ।

विशेषगरी पछिल्लो समय पश्चिम एसियामा बढ्दो द्वन्द्व र तनावबीच अमेरिका–इरान संवाद सुरु हुनु सकारात्मक संकेतका रूपमा लिइएको छ। वार्ताबाट ठोस सहमति निस्किएमा क्षेत्रीय शान्ति र सुरक्षामा उल्लेखनीय योगदान पुग्ने अपेक्षा गरिएको छ।

तस्वीर : एएफपी