इरान–अमेरिका सम्भावित शान्ति वार्ताअघि उच्चस्तरीय इरानी टोली इस्लामाबादमा

काठमाडौं।अमेरिकासँग हुने भनिएको सम्भावित शान्ति वार्ताको तयारीका लागि इरानको उच्चस्तरीय प्रतिनिधिमण्डल पाकिस्तानको राजधानी इस्लामाबाद पुगेको छ।

इरानको सरकारी मिडियाका अनुसार वार्ता तयारीकै उद्देश्यले उक्त टोली इस्लामाबाद पुगेको हो। बीबीसी हिन्दीका अनुसार पाकिस्तानको विदेश मन्त्रालयले पनि एक विज्ञप्ति जारी गर्दै इरानी प्रतिनिधिमण्डलको आगमन पुष्टि गरेको छ।

स्थानीय सञ्चारमाध्यमका अनुसार नूर खान अन्तर्राष्ट्रिय विमानस्थलमा इरानी टोलीलाई औपचारिक रूपमा स्वागत गरिएको थियो।

प्रतिनिधिमण्डलको नेतृत्व इरानी संसदका सभामुख Mohammad Bagher Ghalibaf ले गरिरहेका छन्। टोलीमा विदेशमन्त्री Abbas Araghchi, रक्षा परिषदका सचिव अली अकबर अहमदियान, केन्द्रीय बैंकका गभर्नर अब्दुलनासिर हेम्मती तथा अन्य वरिष्ठ सांसदहरू पनि सहभागी छन्।

पाकिस्तानका उपप्रधानमन्त्री तथा विदेशमन्त्री Ishaq Dar ले इरानी टोलीलाई स्वागत गरेका थिए। स्वागत समारोहमा राष्ट्रिय सभाका सभामुख सरदार अयाज सादिक, सेना प्रमुख Asim Munir तथा गृहमन्त्री मोहसिन रजा नक्वी पनि उपस्थित थिए।

इरान र अमेरिकाबीच हुन सक्ने सम्भावित वार्तालाई अहिले क्षेत्रीय तथा अन्तर्राष्ट्रिय स्तरमा उच्च चासोका साथ हेरिएको छ।