काभ्रेपोस्ट साप्ताहिकले आफ्नो स्थापना २५ औ वर्ष प्रवेश गरेको अवसरमा पत्रकारहरुलाई सम्मानगरे
काठमाडौं। नेपाल पत्रकार महासंघका उपाध्यक्ष रमेश विष्ट, सचिव गोविन्द चौलागाई, राजनीतिक दलका नेताहरु, विभिन्न संघ संस्थाका प्रमुख तथा प्रतिनिधिहरु, जिल्लाबाट प्रकाशन भईरहेका संचारमाध्यमका प्रमुख तथा प्रतिनिधि र कृयाशिल संचारकर्मीहरु लगायतको सहभागिता रहेको कार्यक्रममा कोशिपारी पत्रकारिता पुरस्कारबाट केदार तिमल्सिना र ज्योती श्रेष्ठलाई सम्मान गरिएको छ।
काभ्रे जिल्लाबाट प्रकाशन भईरहेको काभ्रेपोस्ट साप्ताहिकले आफ्नो स्थापना दिवासको २४ वर्ष पुरा गरी २५ औ वर्ष प्रवेश गरेको अवसरमा विभिन्न समयमा पत्रिकालाई योगदानु पु¥याएका पत्रकारहरुलाई सम्मान गरिएको थियो ।
सम्पादक इश्वरी ओझा लगायतलाई सोहि अवसरमा सम्मान गरिएको थियो । पुर्व कर्मचारी र हाल कार्यरत कर्मचारीहरुलाई पनि पत्रिकाको स्थापना दिवसको अवसरमा सम्मान गरिएको थियो ।
पत्रिका प्रकाशन प्रालीका अध्यक्ष राधिका चौलागाईको अध्यक्षतामा सम्पन्न कार्यक्रममा प्रेस काउन्सिल नेपालका अध्यक्ष बालकृष्ण बस्नेतको प्रमुख आतिथ्यता रहेको थियो । बस्नेतले काउन्सिलको भूमिका, सरकारले बनाउन लागेको मिडिया काउन्सिल, बदलिँदो अवस्थामा संचारमाध्यमको भूमिका लगायतका विषयमा धारणा राखेका थिए ।
