विराटनगरको भाट–भटेनी सुपर स्टोर असार २७ देखि पुनः सञ्चालनमा

काठमाडौं।विराटनगरस्थित भाट–भटेनी सुपर स्टोर शनिबार (असार २७) देखि औपचारिक रूपमा पुनः सञ्चालनमा आउने भएको छ। भाट–भटेनी सुपर मार्केट प्रा.लि.ले शुक्रबार जारी गरेको प्रेस विज्ञप्तिमार्फत स्टोर अबदेखि दैनिक रूपमा नियमित सेवा सञ्चालन हुने जानकारी दिएको हो।

कम्पनीका प्रमुख सञ्चालन अधिकृत पानु पौडेलका अनुसार ग्राहकको सुविधा, सहज खरिद अनुभव तथा गुणस्तरीय सेवा प्रदान गर्ने कम्पनीको प्रतिबद्धता यथावत् रहनेछ। आधुनिक सुविधा र व्यवस्थित सेवामार्फत ग्राहकलाई उत्कृष्ट सेवा उपलब्ध गराइने उनले बताए।

स्टोर पुनः सञ्चालनको अवसरमा कम्पनीले सम्पूर्ण ग्राहक, शुभेच्छुक तथा सरोकारवालाप्रति निरन्तर साथ, सहयोग र विश्वासका लागि आभार व्यक्त गरेको छ। साथै आगामी दिनमा पनि यही विश्वास र सहयोग कायम रहने अपेक्षा व्यक्त गरेको छ।

भाट–भटेनी सुपर मार्केटका अध्यक्ष तथा प्रबन्ध निर्देशक मीनबहादुर गुरुङले पुनः सञ्चालनसँगै ग्राहकलाई सहज, गुणस्तरीय र विश्वसनीय सेवा प्रदान गर्न कम्पनी पूर्ण रूपमा प्रतिबद्ध रहेको बताएका छन्।