NICCIद्वारा नव–निर्वाचित सांसद बसु माया तामाङ सम्मानित
काठमाडौँ । Nepal Italy Chamber of Commerce and Industry (NICCI) ले नव–निर्वाचित सांसद बसु माया तामाङलाई सम्मान गरेको छ।
काठमाडौँस्थित Siddhartha Vanasthali Institute मा आयोजित कार्यक्रममा NICCI का अध्यक्ष सञ्जय अग्रवालसहित बोर्ड सदस्यहरूले तामाङलाई बधाई तथा शुभकामना व्यक्त गरेका थिए।
NICCI की सक्रिय सदस्यसमेत रहेकी तामाङको नेतृत्व क्षमता, सामाजिक योगदान र व्यवसायिक क्षेत्रप्रतिको सक्रिय भूमिकाको प्रशंसा गरिएको थियो। उनको सांसदमा निर्वाचनले सार्वजनिक सेवा र समावेशी विकासप्रतिको प्रतिबद्धता झल्किएको NICCI ले जनाएको छ।
कार्यक्रममा NICCI ले तामाङले आफ्नो नयाँ जिम्मेवारीमा महत्वपूर्ण भूमिका निर्वाह गर्ने विश्वास व्यक्त गर्दै सफल कार्यकालको कामना गरेको थियो।
यसै अवसरमा कार्यक्रम सफलतापूर्वक आयोजना गर्न सहयोग पुर्याएकोमा NICCI का वरिष्ठ उपाध्यक्ष रुपक राजवंशी र कार्यकारी बोर्ड सदस्य सुनिता सिंहप्रति पनि कृतज्ञता व्यक्त गरिएको थियो।
