काठमाडौं।काजरिया रमेश टाइल्स लिमिटेडले नेपालमा आफ्नो अधिकृत डिलर नेटवर्क विस्तार गर्दै नयाँ डिलर प्रधान हार्डवेयर ग्यालरी सञ्चालनमा ल्याएको छ।
सोमबार, सेप्टेम्बर २१ मा आयोजित उद्घाटन समारोहमा काजरिया रमेश टाइल्स लिमिटेडका निर्देशक हिमांशु अग्रवाल र मिस नेपाल वर्ल्ड २०२६ दीपमाला ढकाल प्रमुख अतिथिका रूपमा सहभागी भएका थिए। कार्यक्रममा कम्पनी तथा प्रधान हार्डवेयर ग्यालरीका प्रतिनिधि, निर्माण क्षेत्रका व्यवसायी, उद्योगी तथा स्थानीय समुदायका सदस्यहरूको उपस्थिति थियो।
नयाँ डिलरमा काजरियाका विभिन्न वाल तथा फ्लोर टाइल्स उपलब्ध हुनेछन्। ग्राहकले एउटै स्थानबाट विभिन्न डिजाइन, टेक्स्चर, फिनिस तथा आकारका टाइल्स अवलोकन गरी आफ्नो घर, व्यावसायिक भवन तथा निर्माण परियोजनाका लागि उपयुक्त सामग्री छनोट गर्न सक्नेछन्।
प्रधान हार्डवेयर ग्यालरीले घरधनी, बिल्डर, आर्किटेक्ट, इन्टेरियर डिजाइनर तथा निर्माण व्यवसायीलाई लक्षित गर्दै काजरियाका प्रिमियम टाइल्स उपलब्ध गराउने जनाएको छ।
काजरिया रमेश टाइल्सका प्रतिनिधिका अनुसार प्रधान हार्डवेयर ग्यालरीको सहभागिताले नेपालमा कम्पनीको खुद्रा सञ्जाल थप विस्तार भएको छ। नयाँ साझेदारीमार्फत ग्राहकलाई गुणस्तरीय तथा डिजाइनमा आधारित टाइल समाधानमा थप सहज पहुँच पुग्ने कम्पनीको अपेक्षा छ।
उद्घाटनका अवसरमा प्रधान हार्डवेयर ग्यालरीलाई काजरिया रमेश टाइल्स लिमिटेडको अधिकृत डिलर प्रमाणपत्र समेत प्रदान गरिएको थियो।
कम्पनीका अनुसार काजरिया रमेश टाइल्स लिमिटेडले नेपालमा अत्याधुनिक प्रविधिसहितको ठूलो टाइल उत्पादन केन्द्र सञ्चालन गर्दै आएको छ। कम्पनीसँग नेपालभर १०० भन्दा बढी शोरुम तथा ३ हजारभन्दा बढी डिजाइन विकल्प रहेको दाबी गरिएको छ।
कम्पनीले ग्लेज्ड भिट्रिफाइड टाइल्स, सेरामिक वाल टाइल्स तथा हेभी ड्युटी भिट्रिफाइड टाइल्सलगायत उत्पादन उपलब्ध गराउँदै आएको छ। काजरियाका अनुसार उसका उत्पादन पानी तथा दाग प्रतिरोधी, मजबुत र आवासीय तथा व्यावसायिक प्रयोजनका लागि उपयुक्त छन्।
