यशोदा ग्रुपद्वारा बाढीपीडितका लागि ३ करोड ८१ लाख रुपैयाँ सहयोग

काठमाडौं।यशोदा ग्रुपअन्तर्गत यशोदा फुड्स र श्रीराम टोबाकोले रसुवाको भोटेकोसी बाढीबाट प्रभावितको उद्धार, राहत तथा पुनर्स्थापनाका लागि ३ करोड ८१ लाख ५१ हजार रुपैयाँ बराबरको सहयोग गरेका छन्।

ग्रुपले प्रधानमन्त्री दैवी प्रकोप उद्धार कोषमा ३ करोड ५१ लाख ५१ हजार रुपैयाँ आर्थिक सहयोग गरेको हो। उक्त रकमको चेक यशोदा ग्रुपका अध्यक्ष कमलकिशोर मालपानी र चेयरमेन चुन्नप्रसाद शर्माले अर्थमन्त्री स्वर्णिम वाग्लेलाई हस्तान्तरण गरेका थिए।

त्यस्तै, रसुवा, नुवाकोट र धादिङलगायत बाढी प्रभावित क्षेत्रमा ३० लाख रुपैयाँ बराबरको ‘करेन्ट’ चाउचाउ राहतस्वरूप वितरण गरिएको कम्पनीले जनाएको छ। थप सहयोग आवश्यक परे उपलब्ध गराउन आफूहरू तयार रहेको ग्रुपले जनाएको छ।