९औँ नेपाल एग्रिटेक इन्टरनेशनल एक्स्पो २०२७ फागुनमा, कृषि प्रविधि र नवप्रवर्तनको महाकुम्भ हुने

काठमाडौं । नेपालमा कृषि क्षेत्रको आधुनिकीकरण, प्रविधि हस्तान्तरण र व्यावसायिक कृषि प्रवर्द्धनलाई केन्द्रमा राखेर आयोजना हुँदै आएको नेपाल एग्रिटेक इन्टरनेशनल एक्स्पोको नवौं संस्करण आगामी २०२७ फेब्रुअरी १८ देखि २० (६–८ फागुन २०८३) सम्म काठमाडौंको भृकुटीमण्डपमा आयोजना हुने भएको छ। आयोजकले हालै सार्वजनिक गरेको ‘Past Glimpses’ मार्फत अघिल्ला संस्करणका झलक प्रस्तुत गर्दै प्रदर्शनीमा सहभागिताका लागि आह्वान गरेको हो।  

एक्स्पोले कृषि, कृषि यन्त्र, बीउ, मल, डेरी, मत्स्यपालन, पशुपालन, एग्रिटेक तथा कृषि प्रविधिसम्बन्धी स्वदेशी तथा अन्तर्राष्ट्रिय कम्पनी, उद्यमी, किसान र सरोकारवालालाई एउटै मञ्चमा ल्याउने लक्ष्य राखेको छ। आयोजकका अनुसार यो प्रदर्शनीले नवीन कृषि प्रविधि प्रदर्शन, व्यावसायिक साझेदारी विस्तार तथा कृषि क्षेत्रमा लगानी आकर्षित गर्न महत्त्वपूर्ण भूमिका खेल्नेछ।  

आयोजकले कृषि क्षेत्रसँग सम्बन्धित कम्पनी तथा संस्थाहरूलाई स्टल बुकिङ गरी आफ्नो ब्रान्डलाई कृषि नवप्रवर्तनको अग्रपङ्क्तिमा स्थापित गर्न आग्रह गरेको छ। एक्स्पोसम्बन्धी थप जानकारी तथा स्टल बुकिङका लागि आधिकारिक वेबसाइट उपलब्ध रहेको आयोजकले जनाएको छ।