हलेसी तुवाचुङ नगरपालिकाको दुई महत्वपूर्ण कार्यक्रम सम्पन्न, उत्कृष्ट विद्यार्थी र स्वास्थ्य संस्थाहरू सम्मानित
खोटाङ —हलेसी तुवाचुङ नगरपालिकाले आज एकैदिन दुई महत्वपूर्ण कार्यक्रम आयोजना गरी शिक्षा र स्वास्थ्य क्षेत्रमा उत्कृष्टता प्रदर्शन गर्ने विद्यालय, विद्यार्थी तथा संस्थाहरूलाई सम्मान गरेको छ। नगर प्रमुख विमला राईले कार्यक्रममा सहभागी सम्पूर्णलाई धन्यवाद ज्ञापन गर्दै शिक्षा र स्वास्थ्यको स्तर उकास्न नगरपालिकाको प्रतिबद्धता दोहोर्याउनुभयो।
शिक्षा क्षेत्रमा उत्कृष्टता
शैक्षिक सत्र २०८१ को एस.ई.ई. तथा नगरस्तरीय वार्षिक परीक्षा कक्षा ४ देखि ९ सम्मका उत्कृष्ट विद्यार्थी र विद्यालयहरूलाई नगद पुरस्कार र सम्मानपत्र प्रदान गरिएको छ।
एस.ई.ई. परीक्षा – विद्यार्थी वर्ग
छात्रतर्फ
प्रथम: गणेश कुमार दाहाल (लक्ष्मी मा.वि., बडहरे–४), GPA ३.५३ — पुरस्कार: रु ५०,०००
द्वितीय: सोमन राई (च्यास्मिटार मा.वि., च्यास्मिटार–३), GPA ३.४३ — पुरस्कार: रु २५,०००
छात्रातर्फ
प्रथम (समान अंक):
दुर्गा कुमारी कटुवाल (लक्ष्मी मा.वि., बडहरे–४), GPA ३.३१ — पुरस्कार: रु ५०,०००
जेनिशा श्रेष्ठ (सरस्वती मा.वि., अर्खौले–१०), GPA ३.३१ — पुरस्कार: रु ५०,०००
द्वितीय: स्वस्तिका राई (महेन्द्रोदय मा.वि., महादेवस्थान–७), GPA ३.२९ — पुरस्कार: रु २५,०००
नगर स्तरिय परीक्षा (कक्षा ४–९) – विद्यार्थी वर्ग
(सङ्क्षिप्त रूपमा)
कक्षा ४ देखि ९ सम्मका प्रथम र द्वितीय विद्यार्थीलाई क्रमश: रु १०,००० र रु ५,००० पुरस्कार वितरण।
एस.ई.ई. – विद्यालय वर्ग
प्रथम: लक्ष्मी मा.वि., बडहरे–४ — रु ५०,०००
द्वितीय: कालिका मा.वि., बाहुनिडाँडा–१ — रु ३०,०००
तृतीय: महेन्द्रोदय मा.वि., महादेवस्थान–७ — रु १५,०००
नगरस्तरीय परीक्षा – विद्यालय वर्ग
कक्षा ४–५: बोझेओडार आ.वि. (प्रथम) — रु ३०,०००
कक्षा ६–८: शान्ति आ.वि. (प्रथम) — रु ४०,०००
कक्षा ९: दुर्छिम मा.वि. (प्रथम) — रु ५०,०००
स्वास्थ्य क्षेत्रमा उपलब्धि
नगरपालिकाले पुर्ण खोप सुनिश्चिता घोषणासँगै १९ स्वास्थ्य संस्थालाई सम्मान गरेको छ।
४ उत्कृष्ट संस्थालाई नगद सहित सम्मान।११ स्वास्थ्य स्वयंसेविकालाई नगद रु २,००० र सम्मानपत्र प्रदान।
मेयरको भनाइ
कार्यक्रममा मेयर विमला राईले भन्नुभयो, “नगरपालिका शिक्षा र स्वास्थ्यलाई पहिलो प्राथमिकता दिन कटिबद्ध छ। यहाँका विद्यार्थी, शिक्षक, स्वास्थ्यकर्मी र सबै सरोकारवालाको सहयोगले हलेसी तुवाचुङ नगरपालिका समुन्नत बन्दै गएको छ। सबैलाई धन्यवाद र शुभकामना व्यक्त गर्दछु।”
