नेपाल श्रीलंकामाथि ६–० को जित निकाल्दै सेमिफाइनमा प्रवेश
काठमाडौं । नेपालले साफ महिला च्याम्पियनसिपको खेलमा श्रीलंकामाथि फराकिलो जित निकाल्दै सेमिफाइनलमा प्रवेश गरेको छ ।
विहिवार साँझ भएको खेलमा साविक उपविजेता समेत रहेको नेपालले श्रीलंकामाथि ६–० को एकपक्षिय जित निकाल्दै सेमिफाइनमा प्रवेश गरेको हो ।
खेल सुरु भएको आठौं मिनेटमा साम्बाको पासमा सविताले गोल गर्दै नेपाललाई सुरुवाती अग्रता दिलाइन् ।
काठमाडौंको त्रिपुरेश्वरस्थित दशरथ रंगशालामा भएको खेलमा नेपालका लागि रेखा पौडेलले दुई गोल गर्दा साबित्रा भण्डारी (साम्बा), सविता राणामगर र रश्मी कुमारी घिसिङले एक–एक गोल गरिन् ।
१२ औं मिनेटमा बिमला बिकको पासमा साम्बाले लामो दुरीबाट गोल गर्दै नेपाललाई २–० ले अघि बढाइन् ।
लगत्तै त्यसको एक मिनेटपछि नै अमिषाको क्रसमा रेखाले गोल थप्दा नेपाल ३–० ले अघि बढ्यो ।
यता, ३६ औं मिनेटमा साम्बाको असिस्टमा रेखाले व्यक्तिगत रुपमा दोस्रो गोल थप्दा नेपाल ४–० ले अघि बढ्यो ।
दोस्रो हाफको सुरुतिरै ४७ औं मिनेटमा सविताको पासमा अमिषाले गोल थप्दा नेपाल ५–० ले अघि बढ्यो ।
समान ३ खेलमा समान ७ अंक नै जोडेको भुटान भने गोलअन्तरका आधारमा समूह उपविजेता बन्यो ।
यो समूहबाट श्रीलंकाले ३ खेलबाट २ मा हार र १ मा जित निकाल्दै ३ अंक जोडेर तेस्रो स्थानमा रह्यो ।
खेलको इन्जुरी समयको चौथौं मिनेटमा अनिता बस्नेतको कर्नर प्रहारमा रश्मीले हेडमार्फत् गोल थप्दै नेपाललाई ६–० ले जिताए ।
फराकिलो जितसंगै नेपालले समूह ‘बी’ मा ती खेलबाट दुईमा जित र एकमा बराबरीको नतिजा निकाल्दै ७ अंक जोडेर समूह विजेता बनेको छ ।
अब नेपालले सेमिफाइनलमा महिला साफको सर्वाधिक सफल टोली भारतसंग प्रतिस्पर्धा गर्ने भएको छ ।
समूह ‘बी’ बाट श्रीलंका र माल्दिभ्स भने प्रतियोगिताबाट बाहिरिएको छ ।
