त्रिविको उपकुलपतिमा प्रा.डा. सुशिल बहादुर बज्राचार्य, आजदेखि पदबहाली

काठमाडौं।Tribhuvan University को रिक्त उपकुलपति पदको जिम्मेवारी इन्जिनियरिङ अध्ययन संस्थानका डीन प्रा.डा. सुशिल बहादुर बज्राचार्यलाई दिइएको छ ।

सम्माननीय प्रधानमन्त्री तथा त्रिभुवन विश्वविद्यालयका कुलपतिबाट वैशाख ३० गते गरिएको निर्णयअनुसार दैनिक कार्य सञ्चालन गर्ने जिम्मेवारीसहित उहाँलाई उपकुलपतिको जिम्मेवारी तोकिएको हो ।

प्रा.डा. बज्राचार्यले इन्जिनियरिङ अध्ययन संस्थानको डीनको जिम्मेवारीसमेत सम्हाल्ने गरी नियुक्ति पाउनुभएको हो । उहाँले बिहीबार कीर्तिपुरस्थित उपकुलपतिको कार्यालयमा पदबहाली गर्नुभएको छ ।

विश्वविद्यालयको प्रशासनिक तथा शैक्षिक गतिविधिलाई प्रभावकारी बनाउन नयाँ जिम्मेवारी दिइएको बताइएको छ ।