नेपाली काँग्रेसको १५औँ महाधिवेशन तयारी तीव्र, केन्द्रीय प्रतिनिधिलाई अभिमुखीकरण सुरु

काठमाडौं। प्रमुख प्रतिपक्षी दल नेपाली काँग्रेस ले आफ्नो १५औँ महाधिवेशनको तयारीलाई तीव्र बनाएको छ। यसैक्रममा निर्वाचन क्षेत्रमा खटिने केन्द्रीय प्रतिनिधिहरूका लागि अभिमुखीकरण कार्यक्रम सुरु गरिएको छ।

महाधिवेशनको पूर्वतयारीस्वरूप आयोजना गरिएको उक्त कार्यक्रममा प्रतिनिधिहरूलाई आवश्यक जानकारी, भूमिका तथा जिम्मेवारीबारे विस्तृत प्रशिक्षण प्रदान गरिने पार्टीले जनाएको छ।

सानेपा स्थित पार्टी केन्द्रीय कार्यालयमा आयोजित कार्यक्रममा महामन्त्री प्रदीप पौडेल लगायत शीर्ष नेता तथा कार्यकर्ताहरूको उल्लेखनीय सहभागिता रहेको छ।

कार्यक्रममार्फत प्रतिनिधिहरूलाई निर्वाचन क्षेत्रमा पार्टीको संगठन सुदृढीकरण, कार्यकर्ता परिचालन, तथा महाधिवेशन सफल बनाउन आवश्यक रणनीतिका विषयमा मार्गनिर्देशन दिइने बताइएको छ।

पार्टीले १५औँ महाधिवेशनलाई लक्षित गर्दै देशव्यापी रूपमा संगठन सशक्त बनाउने, नयाँ नेतृत्व चयन प्रक्रिया व्यवस्थित गर्ने तथा आन्तरिक एकता मजबुत बनाउने उद्देश्य लिएको जनाएको छ।