संसद् पहिलो दिनमै अवरुद्ध : एमालेद्वारा ओली–लेखक रिहाइको माग

काठमाडौं।प्रतिनिधिसभाको पहिलो बैठक सुरु हुनासाथ नेकपा (एमाले) ले अवरोध गरेको छ। पूर्वप्रधानमन्त्री केपी शर्मा ओली र पूर्वगृहमन्त्री रमेश लेखक लाई तुरुन्त रिहा गर्न माग गर्दै एमाले सांसदहरूले संसद् भवनको बहुद्देश्यीय कक्षमा विरोध प्रदर्शन गरेका हुन्।

बैठक सुरु भएसँगै एमालेका सांसदहरू उठेर विरोध जनाएका थिए। पार्टीले जेन–जी आन्दोलनसँग सम्बन्धित मुद्दामा ओली र लेखकलाई पक्राउ गरिएको तथा आन्दोलनका क्रममा आफ्ना कार्यकर्तामाथि दमन भएको आरोप लगाएको छ।

यसअघि पार्टीभित्रै संसदीय दलको नेताको चयन लगायतका विषयमा असन्तुष्टि देखिएको थियो। सोही पृष्ठभूमिमा एमालेले पहिलो बैठकमै कडा विरोध जनाउँदै बैठक अवरुद्ध गरेको हो।

सभामुख अर्जुननरसिंह केसी ले विरोधका बीचमा सांसदहरूलाई बोल्ने समय दिँदै बैठक सञ्चालन गर्ने प्रयास गरे पनि एमालेको अवरोध जारी रहेको छ।

पहिलो दिनमै संसद् अवरुद्ध भएपछि राजनीतिक वातावरण तनावपूर्ण बनेको छ। यसले आगामी दिनमा संसद्मा विरोध र प्रतिरोधको क्रम अझ तीव्र हुने संकेत देखिएको छ।