प्रधानमन्त्री ओली द्वारा आज दमकमा १८ तले भवन (भ्यू-टावर) को उद्धघाटन हुने

SAGARMATHA PANA २०८१ मंसिर २३ गते

काठमाडौं । प्रधानमन्त्री केपी शर्मा ओलीले आज दमकमा १८ तले भवन (भ्यू-टावर) को उद्घाटन गर्ने भएका छन् ।

झापाको दमक नगरपालिका–३ दापगाछीमा एक अर्ब ४५ करोडको लागतमा निर्मित भवनको प्रधानमन्त्री ओलीले आज दिउँसो १ बजे उद्घाटन गर्न लागेका हुन् ।

दमक बिजनेस कम्प्लेक्स’ नामकरण गरिएको उक्त भवन चिनियाँ निर्माण कम्पनी जेडसिजीआइआइसी र आशिष ओम साइराम कम्पनीले संयुक्त रूपमा बनाएका हुन् ।

प्रधानमन्त्री ओलीले नै पाँच वर्षअघि भवन निर्माणको शिलान्यास गरेका थिए । तर, उक्त १८ तले भवनको नक्सा पास नरहेको बताइएको छ । आवश्यक कागजातको अभावमा नक्सा पास दिन नसकिएको बताइएको छ ।

अहिले बिहान गृह जिल्ला पुग्ने प्रधानमन्त्री ओलीले बिहान १० बजे बेलडाँगी खानेपानी उद्घाटन, ११ बजे गौरादह नगरपालिका अन्तर्गत महारानी झोडा (स्कुलचौन) मा जग्गाधनीपुर्जा बितरण र साढे १२ बजे गौरादह बजारमा ताजपुरिया समाजको भेलालाई सम्बोधन गर्दै बिर्तामोड फर्किने कार्यक्रम रहेको छ । उनले दिउँसो २ बजे बिर्तामोडस्थित सिटी सेन्टरमा पार्टी कार्यकर्ता भेलालाई सम्बोधन गर्नेछन् ।

प्रधानमन्त्री ओलीले आजै मेचीनगर–४ बाहुनडाँगीस्थित मानव आश्रम भवनको पनि शिलान्यास तथा उद्घाटन गर्ने कार्यक्रम छ। आज दिउँसो १२ बजे मानबसेवा आश्रम भवनको शिलान्यास तथा उद्घाटन गर्ने कार्यक्रम तय भएको हो।