चीन–नामिबिया सम्बन्ध नयाँ उचाइमा, ‘साझा भविष्यको समुदाय’ निर्माणमा सहमति
काठमाडौं।चिनियाँ राष्ट्रपति सी चिनफिङ र नामिबियाकी राष्ट्रपति नेटुम्बो नान्डी–न्डाइत्वाहबीच शुक्रबार बेइजिङमा भएको द्विपक्षीय वार्तापछि दुवै देशले सम्बन्धलाई नयाँ उचाइमा पुर्याउँदै ‘नयाँ युगका लागि चीन–नामिबिया साझा भविष्यको समुदाय’ निर्माण गर्ने घोषणा गरेका छन्।
वार्ताका क्रममा राष्ट्रपति सीले चीन र नामिबियाबीचको सम्बन्ध गहिरो परम्परागत मित्रतामा आधारित रहेको उल्लेख गर्दै दुवै देशले विकासका साझा आकांक्षा बोकेको बताए। उनले कूटनीतिक सम्बन्ध स्थापना भएदेखि नै दुई देशले समानताको आधारमा एकअर्कालाई सम्मान र समर्थन गर्दै आएको बताए।
दुवै नेताले राजनीतिक विश्वास अझ सुदृढ बनाउने, व्यापार, लगानी, पूर्वाधार, कृषि, ऊर्जा तथा अन्य विकासका क्षेत्रमा सहकार्य विस्तार गर्ने विषयमा सहमति जनाएका छन्। साथै, अन्तर्राष्ट्रिय तथा क्षेत्रीय मुद्दामा पनि आपसी समन्वय र सहयोगलाई थप मजबुत बनाउने प्रतिबद्धता व्यक्त गरेका छन्।
यस घोषणासँगै चीन र नामिबियाबीचको रणनीतिक साझेदारी थप सुदृढ हुने अपेक्षा गरिएको छ।
