‘सभापति देउवाले भने, ‘व्यवसायमा टिक्नका लागि उद्यमीले धैर्यसँगै निरन्तरता दिनुपर्ने साथै सरकारको पनि साथ,समर्थनको उत्तिकै आवश्यक भएको बताए। पछिल्लो समय ‘स्टार्ट अप’ व्यवसायतर्फ आकर्षण बढ्दो छ, युवा पुस्ताले थोरै लगानीमा पनि सिर्जनात्मक ढङ्गले काम गर्ने प्रयास गर्दैछन्, यस्ता उद्यम सञ्चालन गर्न सहुलियतपूर्ण ऋण, तालिम, सीप विकास र विशेष अनुदान पनि आवश्यक पर्छ,’ सभापति देउवाले भने यसको लागि सरकारले उद्यमीलाई लगानीमा साथ दिनुपर्छ।
‘यहाँ भएको साना तथा मझौला व्यवसाय सम्मेलनले बेरोजगारी समस्यामा पिरोलिएका युवा जमातमा स्वरोजगारको नयाँ ढोका खोल्नेछ,’ सभापति देउवाले भने यो सम्मेलनको माध्यमबाट विश्वव्यापी मन्दीको मारमा परेको मुलुकको आर्थिक अवस्थामा सुधार ल्याउनसमेत टेवा पुग्ने मेरो विश्वास छ।उनले यस सम्मेलनको छलफलबाट आएका निष्कर्षले एउटा कार्ययोजनाको खाका तय गर्नेछ उक्त तयार भएको कार्ययोजनाले पाटी र सरकार दुबैलाई मार्गदर्शन गर्ने अपेक्षा गरे ।
सम्मेलनमा विभिन्न क्षेत्रका सिकाइ, अनुभव र विचारबाट एक अर्कामा ज्ञानको प्रवाह हुने आयोजकको भनाइ छ। खासगरी केही गरौँ भन्ने भावना बोकेका युवा र महिला समुदायको उद्यमलाई प्रोत्साहन गर्न के कस्तो नीति निर्माण गर्ने भन्ने विषयमा सम्मेलनमा छलफल हुने बताइएको छ। सम्मेलन आज र बिहीबार पार्टीको केन्द्रीय कार्यालय सानेपामा हुनेछ।
