सर्वोच्चको न्यायाधीशमा निरौला र पाण्डेयलाई अनुमोदन

काठमाडौं।संसदीय सुनुवाइ समितिका ज्येष्ठ सदस्य पशुपतिशमशेर
 जबराले सर्वोच्च अदालतको न्यायाधीशमा सिफारिस नृपध्वज 
निरौला र नित्यानन्द पाण्डेय संसदीय सुनुवाइ समितिबाट अनुमोदित
 हुनु भएको जानकारी दिनुभयको छ । समितिको आज बसेको बैठकले 
सर्वोच्चको न्यायाधीशमा निरौला र पाण्डेयलाई अनुमोदन गरेको हो । 

संसदीय सुनुवाइ बैठकमा निरौला र पाण्डेयले कार्ययोजना र अवधारणा प्रस्तुत गर्नुभएको थियो । त्यसपछि सांसदले निरौलाका सम्बन्धमा प्राप्त उजुरीका आधारमा थप प्रश्न गरेका थिए । न्यायाधीश सिफारिस भएका पाण्डेयविरुद्ध भने उजुरी परेको थिएन ।

न्याय परिषद्को गत असोज ११ को बैठकले उच्च अदालत पाटनका मुख्य न्यायाधीश निरौला र उच्च अदालत दाङ तुलसीपुर इजलासका मुख्य न्यायाधीश पाण्डेयलाई सर्वोच्चको न्यायाधीशमा सिफारिस गरेको थियो ।