संघीय मामिला मन्त्रालयद्वारा १४ उपसचिव र ५७ शाखा अधिकृतको सरुवा
SAGARMATHA PANA
२०८२ पुष २९ गते
काठमाडौँ।संघीय मामिला तथा सामान्य प्रशासन मन्त्रालयले १४ जना उपसचिव र ५७ जना शाखा अधिकृतको सरुवा गरेको छ।
मन्त्रालयले सोमबार विभिन्न मन्त्रालय, विभाग तथा स्थानीय तहमा कार्यरत उपसचिव र शाखा अधिकृतहरूको प्रशासनिक सरुवा गरेको हो। सरुवासँगै उनीहरूलाई नयाँ कार्यस्थलमा जिम्मेवारी तोकिएको मन्त्रालयले जनाएको छ।
प्रशासनिक कार्यलाई थप प्रभावकारी, चुस्त र परिणाममुखी बनाउन नियमित सरुवा प्रक्रिया अन्तर्गत निर्णय गरिएको मन्त्रालयको भनाइ छ। सरुवा भएका कर्मचारीहरूलाई तोकिएको कार्यस्थलमा यथाशीघ्र हाजिर हुन निर्देशन दिइएको छ।
सरुवासम्बन्धी विस्तृत विवरणसहितको सूची मन्त्रालयको आधिकारिक सूचनामार्फत सार्वजनिक गरिएको छ।
फेसबुकबाट तपाईको प्रतिक्रिया
सबै
