मन्त्री सिफारिसमा सरकार फितलो? पत्रकार राजेन्द्र बानियाको प्रश्न

काठमाडौं।पत्रकार राजेन्द्र बानियाले सामाजिक सञ्जालमार्फत हालैको मन्त्री छनोट प्रक्रियाप्रति गम्भीर प्रश्न उठाएका छन्। उनले सरकारको निर्णय क्षमता र विश्वसनीयतामाथि शंका व्यक्त गर्दै प्रधानमन्त्रीको भूमिकालाई पनि कटाक्ष गरेका छन्।

बानियाले लेखेका छन् –

“मन्त्री छनौट र सिफारिसमा सरकार कति फितलो? हरेक पटक नाम सिफारिस गर्ने अनि पछि हट्ने, यो त सरकार प्रमुखको नालायकीको संकेत होइन र?”

उनको यो टिप्पणी पछिल्लो समय मन्त्रिपरिषद् पुनर्गठनको विषयमा चलिरहेका राजनीतिक छलफलसँग सम्बन्धित देखिन्छ। सरकारभित्र मन्त्री सिफारिस र फिर्ता गर्ने क्रम दोहोरिँदै जाँदा राजनीतिक अस्थिरता र अविश्वासको वातावरण बढेको टिप्पणी भइरहेको छ।

बानियाको अभिव्यक्तिलाई सामाजिक सञ्जालमा मिश्रित प्रतिक्रिया मिलेको छ। केही प्रयोगकर्ताले उनको भनाइलाई समर्थन गर्दै सरकार निर्णय गर्न असमर्थ भएको जनाएका छन् भने केहीले पत्रकारले राजनीतिक विषयमा अत्यधिक टिप्पणी गरेको भन्दै आलोचना पनि गरेका छन्।

सरकारले भने मन्त्री नियुक्ति र सिफारिसको प्रक्रियालाई “सामान्य प्रशासनिक प्रक्रिया” भन्दै बचाउ गर्दै आएको छ।