अधिवक्ता स्वागत नेपाल प्रहरी साइबर ब्यूरोमा सोधपुछका लागि बोलाइए, अभिव्यक्तिमा अंकुशको प्रयास भन्दै आलोचना
काठमाडौं।साइबर ब्यूरोले अधिवक्ता स्वागत नेपाललाई मंगलबार सोधपुछका लागि उपस्थित हुन पत्र पठाएको छ।नेपालले हालै सामाजिक सञ्जालमा प्रधानमन्त्री सुशीला कार्कीको नियुक्ति र उनी सांसद नभएको विषयमा टिप्पणी गरेका थिए।
सरकारका अनुसार उनले “भ्रम फैलाउने” अभिव्यक्ति दिएको भन्दै अनुसन्धान थालिएको हो। तर नेपालले आफूले सार्वजनिक जानकारीका आधारमा कानूनी दृष्टिकोणबाट टिप्पणी गरेको र अभिव्यक्तिको स्वतन्त्रता आफ्नो अधिकार भएको बताएका छन्।
यस घटनापछि सामाजिक सञ्जालमा अधिवक्ता नेपालप्रति समर्थन जनाउने पोस्टहरू बढेका छन्। कानुन व्यवसायी र नागरिक समाजका प्रतिनिधिहरूले सरकारले आलोचनात्मक मतलाई मुद्दा बनाउने प्रवृत्ति देखाएको भन्दै आपत्ति जनाएका छन्।
विश्लेषकहरूका अनुसार यस्तो प्रवृत्ति लोकतान्त्रिक व्यवस्थाको मौलिक अधिकार-अभिव्यक्तिको स्वतन्त्रता-मा प्रत्यक्ष आघात हो।
