हितेन्द्र शाक्यको घरमा आगजनी : भारतीय नागरिक संलग्न रहेको तथ्य सार्वजनिक
काठमाडौं।नेपाल विद्युत प्राधिकरणका पूर्व कार्यकारी निर्देशक इन्जिनियर हितेन्द्र शाक्यको घरमा लगाइएको आगोका घटनामा भारतीय नागरिकहरू संलग्न रहेको तथ्य खुलेको छ।
प्रहरी अनुसन्धानका अनुसार बिहारका नागरिकसहित चार जना व्यक्तिमाथि मुद्दा दायर गरिएको छ। उनीहरूलाई आगजनी र सार्वजनिक सम्पत्तिमा क्षति पुर्याएको आरोपमा कारबाही प्रक्रिया अघि बढाइएको हो।
प्रहरीले ती अभियुक्तहरूसँग रु. ५० लाख ९२ हजार रुपैयाँ बिगो र क्षतिपूर्तिको माग गरेको जनाएको छ। अनुसन्धानकर्ताहरूका अनुसार, घटना योजनाबद्ध ढंगले गरिएको आशंका गरिएको छ र यसमा अन्य व्यक्ति पनि संलग्न हुन सक्ने सम्भावना नकारिएको छैन।
उक्त घटना विद्युत प्राधिकरणभित्रका तत्कालीन विवाद र पूर्व–निर्देशक शाक्यमाथिको राजनीतिक तथा प्रशासनिक दबाबसँग पनि जोडिएको हुन सक्ने अनुमान गरिएको छ।
हाल घटनामा संलग्न व्यक्तिहरूमाथि आवश्यक कानूनी प्रक्रिया अघि बढाइएको र थप अनुसन्धान जारी रहेको प्रहरी स्रोतले जनाएको छ।
