६ महिना होइन-सरकारलाई ५ वर्ष टिकाउने मौका दिनुपर्छ:सागर ढकाल
काठमाडौं- सागर ढकालले हालको सरकारलाई अल्पकालीन परीक्षणको रूपमा होइन, पाँच वर्षको स्थायित्वसहित काम गर्ने अवसर दिनुपर्ने सुझाव दिएका छन्। ढकालका अनुसार, “यदि साँच्चै देश कायापलट गर्न चाहन्छौं भने यस्तो सरकार ६ महिना होइन ५ वर्ष टिकाउनु पर्छ।”
ढकालले भनेका छन् कि हाल गठन भएको मन्त्रीपरिषद् क्षमता र योग्यता हिसाबले चिन वा सिंगापुरजस्ता देशका मन्त्रिपरिषदसँग तुलना गर्न मिल्ने दिशामा पुगेको देखिन्छ। उनले यो किसिमको सरकारले इतिहासमा शुद्ध नागरिकको बलमा बनेको दैखिने दुर्लभ घटना भएको बताउँदै, मुख्य चुनौती भनेको — यस्तो सरकार कसरी लामो समयसम्म बनाइराख्ने भन्ने रहेको उल्लेख गरेका छन्।
ढकालले आफ्नो व्यक्तिगत अपेक्षा पनि खुलेर व्यक्त गरेका छन्— यदि यो सरकारले आगामी पाँच वर्षसम्म टिक्ने ग्यारेन्टी मिल्यो भने उनले सामाजिक सञ्जाल पूर्ण रूपमा बन्द गरेर आफ्ना इन्जिनियरिङ कार्यमा फर्किने। उनका अनुसार, उनको व्यावसायिक डेलिभरी र सामाजिक सञ्जालका लाइक/कमेंट वा पार्टी संगठन विस्तारबीच कुनै सम्बन्ध नभएको स्पष्ट छ। उनले लेखेका छन् कि आजभोलि धेरैजसोले चुनाव जित्न वा लोकप्रिय हुनका लागि सामाजिक सञ्जालमा मात्रै निर्भरता बढाएको, र यसले देशलाई दीर्घकालीन कार्यसम्पादनबाट विचलित बनाउने खतरा रहेको बताइएको छ।
अर्को विषय भनेको मन्त्रीहरुको छनोट प्रक्रिया र त्यसको परिष्कृत बनाइ अपरिहार्य रहेको छ।वर्तमान सरकारले नेतृत्व र जिम्मेवारी चयनमा सुधार ल्याउनु पर्ने जोड दिएका छन्।
तर सतर्कतापूर्वक पनि भनेका छन् कि देशमा दशकौँसम्म प्रजातन्त्रको नाममा लुटतन्त्र, कुशासन र पपुलिस्ट नेतृत्व बस्दै आएको इतिहास रहेकोले विरोधीहरूले नयाँ सरकारलाई सहजै टिक्न नदिने सम्भावना उच्च रहेको चिन्ता व्यक्त गरेका छन्। “मात्र ६ महिनामा यो सरकारले कति गर्न सक्छ?” भन्ने प्रश्नलाई केन्द्रमा राख्दै उनले सरकारको टिकाउपन र उपलब्धितालाई समयमै परख गर्नुपर्ने बताए।
अन्त्यमा ढकालले जन अपेक्षाहरु—विशेषगरी जेनरेशन जेड (Gen Z) का मागहरु—अझै धेरै भाग पूरा नहुँदाको र आन्दोलनको म्यान्डेट स्पष्ट हुन बाँकी रहेको उल्लेख गर्दै, सरकारप्रति शुभकामना तथा सचेत रहनु भन्ने सन्देश दिएका छन्। उनले भविष्यका २०–३० वर्षलाई निर्णायक समयको रूपमा चित्रण गर्दै लेखेका छन् कि “एक–दुई पुस्ताले त्याग नगरेसम्म देशको वास्तविक रुपान्तरण सम्भव छैन।”
