१११ कलाकारको स्वरमा खोटाङ जन्य गीत सार्वजनिक,मंसिरमा शान्तिराम राईको सांगितिक साँझ हुने

काठमाडौं।खोटाङ कलाकार समाजले दिक्तेल रुपाकोट मझुवागढी नगरपालिकाको मुख्य प्रायोजन तथा खोटेहाङ गाउँपालिका र ऐशलुखर्क गाउँपालिकाको आर्थिक सहयोगमा निर्माण गरिएको गीतको अडियो/भिडियो सार्वजनिक गरेको छ ।

गीतमा आदरणीय टंक भट्टराईको शब्द, बरिष्ठ सङ्गीतकार तथा समाजका सल्लाहकार महेश खड्काको सङ्गीत, देबेश राईको एरेन्ज रहेको छ भने रेकर्डिङ लिम्दुमि क्रियशन स्टुडियो ढोलाहिटीमा गरिएको हो । गीतको निर्देशन राजेश पुमा राईले गरेका हुन् । यसमा खोटाङका १११ जना कलाकारहरूको स्वर समेटिएको छ ।

सार्वजनिक कार्यक्रममा खोटाङका विभिन्न पेशा–व्यवसायमा सफल व्यक्तित्वहरूको उल्लेख्य उपस्थिति रहेको थियो ।

सो अवसरमा खोटाङ कलाकार समाजले आगामी मंसिर १३ गते काठमाडौंमा संस्थाका सल्लाहकार तथा वरिष्ठ सङ्गीतकार शान्तिराम राईको ‘एकल सांगितिक साँझ–२०८२’ आयोजना गर्ने घोषणा पनि गरेको छ ।

कार्यक्रम भव्य र सभ्य तरिकाले सम्पन्न भएको समाजले जनाएको छ । साथै, सार्वजनिक गरिएको गीत र भिडियो युट्युबमार्फत उपलब्ध गराउने तयारी भइरहेको तर प्राविधिक कारणले तत्काल सार्बजनिक गर्न नसकिएको जानकारी दिइएको छ ।

समाजका पदाधिकारीहरूले “शान्तिराम राई एकल सांगितिक साँझ–२०८२” लाई ऐतिहासिक बनाउन सबै देश–विदेशमा रहेका शुभेच्छुक, सहयोगी र समर्थकहरूसँग साथ, सहयोग र प्रेरणाको अपेक्षा राखेका छन् ।B