हितै को माया’ लोकभाका गीत सार्वजनिक

काठमाडौं।आर्टेन राईको अफिसियल युट्युब च्यानलमार्फत नयाँ लोकभाका रोम्यान्टिक लभ गीत ‘हितै को माया’ सार्वजनिक गरिएको छ।

गीतमा शब्द भीमराज राई ‘दिलपाली’को रहेको छ भने संगीत शिवसंगम राईले कम्पोज गरेका छन्। स्वरमा मेलिना राई र आर्टेन राई स्वयं रहेका छन्।

गीतलाई त्रिताल स्टुडियोमा रेकर्ड गरिएको हो। एरेन्ज तथा मिक्सिङ सुन्दर लामाले गरेका छन् भने भिडियोमा प्रकाश संजोक श्रेष्ठ र टिमले गरेका छन्। मेकअपमा रबिना लिम्बु, पोशाकमा लिब्जु कलेक्सनको सहयोग रहेको छ।

भिडियोमा अनुशा राई र फुलन्देको आमाका नामले परिचित कलाकार उमेश राईलाई देख्न सकिन्छ। भिडियोको कोरियोग्राफी आधुनिकले गरेका हुन् भने निर्देशन, छायांकन र सम्पादन इसाक जबेगुले गरेका हुन्।

रोम्यान्टिक प्रेमभाव बोकेको यो गीतले दर्शक–श्रोताको मन जित्ने अपेक्षा लिइएको छ।