ट्रम्पको चेतावनी : ब्रिक्स समर्थन गर्ने देशलाई १० प्रतिशत अतिरिक्त कर

काठमाडौं—अमेरिकी पूर्वराष्ट्रपति डोनाल्ड ट्रम्पले ब्रिक्स गठबन्धनको नीतिलाई समर्थन गर्ने मुलुकहरूलाई लक्षित गर्दै कडा चेतावनी दिएका छन्। उनले अमेरिकाको हितविरुद्ध उभिने देशहरूलाई थप १० प्रतिशत आयात कर लगाइने घोषणा गरेका छन्।

अन्तर्राष्ट्रिय सञ्चार माध्यमहरूका अनुसार ट्रम्पले स्पष्ट रूपमा भनेका छन्, “अमेरिकाविरोधी नीतिहरूसँग सहमत हुने वा ब्रिक्सजस्ता गुटहरूसँग पंक्तिबद्ध हुने जुनसुकै राष्ट्रले यसको मूल्य तिर्नुपर्छ।” उनका अनुसार यी राष्ट्रबाट आउने सामानमा अतिरिक्त कर लगाइने छ।

ब्रिक्स गठबन्धनमा चीन, रुस, भारत लगायतका देशहरू छन् — जसप्रति ट्रम्प लामो समयदेखि आलोचनात्मक रहँदै आएका छन्। अमेरिकाले जुलाई ९ भित्र व्यापार सम्झौताका लागि समय तोकेको छ, तर अमेरिकी अधिकारीहरूले अगस्ट १ बाट कर लागू गरिने बताएका छन्।

ट्रम्पले जनवरीमा पदभार सम्हालेदेखि नै “अमेरिकन फर्स्ट” नीतिअनुसार घरेलु उत्पादन र रोजगारमा जोड दिँदै आएका छन्। त्यसैअनुसार उनले आयातमा कर वृद्धि, संरक्षणवादी व्यापार नीति र विदेशी प्रतिस्पर्धालाई नियन्त्रण गर्ने उपायहरू प्रस्तुत गरेका छन्।

विश्लेषकहरू भन्छन्, यो चेतावनीले विश्वव्यापी व्यापारमा तनाव झनै बढाउनेछ, विशेषतः ब्रिक्सका सदस्य राष्ट्रहरूसँग अमेरिकी सम्बन्ध चिसिने सम्भावना बलियो देखिएको छ।