स्वास्थ्य मन्त्री प्रदिप पौडेल अस्वस्थ, बीर अस्पतालमा उपचार जारी

काठमाडौं — स्वास्थ्य तथा जनसंख्या मन्त्री प्रदिप पौडेल अस्वस्थ भई अस्पताल भर्ना भएका छन्। केही दिनअघि थाइल्याण्डको भ्रमण सकेर फर्किएका मन्त्री पौडेललाई रुघाखोकी तथा ज्वरोको समस्या देखिएपछि आइतबार काठमाडौंस्थित बीर अस्पतालमा भर्ना गरिएको हो।

मन्त्री पौडेलको सचिवालयका अनुसार स्वास्थ्यमा समस्या देखिएपछि चिकित्सकको सल्लाहमा अस्पताल भर्ना गरिएको हो। अहिले उनको स्वास्थ्य अवस्था सामान्य रहेको र चिकित्सकहरूको निगरानीमा उपचार भइरहेको सचिवालयले जानकारी दिएको छ।

चिकित्सकहरूले पौडेललाई आवश्यक परीक्षण तथा औषधोपचार गरिरहेको र स्वास्थ्यमा क्रमिक सुधार हुँदै गएको जानकारी दिएका छन्। मन्त्री पौडेलको स्वास्थ्यबारे थप जानकारी आवश्यक परेमा मन्त्रालय वा सचिवालयले जानकारी गराउने बताइएको छ।