रेखा थापाको ‘मीरा’:पर्दाबाट रंगमञ्चसम्मको गहिरो यात्रा
काठमाडौं-नेपाली चलचित्र क्षेत्रमा एक दशकभन्दा बढी समयदेखि सुपरहिट अभिनेत्रीको रूपमा परिचित रेखा थापाले रंगमञ्चमा पाइला चालेकी छिन्। हाल मञ्चन भइरहेको नाटक ‘मीरा’ मा उनको अभिनयले दर्शकलाई नयाँ अनुभूति दिएको छ।
पर्दामा मात्रै रेखालाई देख्दै आएका दर्शकका लागि रंगमञ्चमा उनलाई प्रत्यक्ष देख्नु नै एउटा नयाँ रोमाञ्चकता थियो। मीराको शीर्षक भूमिका निर्वाह गरेकी रेखा थापाले नाटकभरि दर्शकको ध्यान तान्न सफल भएकी छन्।
अभिनयमा गहिराइ, भावनामा सजीवता
नाटकमा रेखाको अभिनयमा परिपक्वता, सम्वेदनशीलता र सशक्त भाव सम्प्रेषण देखियो। उनले प्रस्तुत गरेको मीराको जीवनयात्रा – खुसी, पीडा, संघर्ष र आत्मस्वीकृतिको कथा – अत्यन्त सजीव बन्यो। उनले हरेक भावनालाई गहिरो आत्मीयताका साथ दर्शकसम्म पुर्याउन सकिन्।नाटकमा संवादहरू गम्भीर र गहकिला छन्। दर्शकले ताली र आँसु दुवै साटिरहेका थिए – जुन मञ्चीय प्रस्तुतिको सफलता हो।
समसामयिक सन्देश बोकेको कथा
‘मीरा’ केवल एक महिलाको कथा होइन, यो हाम्रो समाजको झझल्को पनि हो। नाटकले सामाजिक संरचना, लैंगिक दृष्टिकोण, आत्मपहिचान र सम्बन्धहरूको मनोविज्ञानलाई प्रभावशाली रूपमा उजागर गरेको छ।
निर्देशन, प्रकाश, संगीत र मञ्च संरचना सबै पक्षले प्रस्तुतीलाई अझ सशक्त बनाएका छन्।
शुभकामना र अपेक्षा
रेखा थापा र सम्पूर्ण मीरा टिमलाई हार्दिक बधाई र शुभकामना। चलचित्रबाट रंगमञ्चमा गरिएको यो कलात्मक यात्रा निकै सराहनीय छ। आशा छ, रेखा थापाको यो रंगमञ्च यात्रा अझ सशक्त बन्छ, र आगामी दिनमा पनि यस्तै गहिरा र अर्थपूर्ण नाटकहरू मञ्चन हुँदै जालान्।
